maa mujhe dar lagta hai..(Damini K Shabad)...voice by Mukesh Kashyap ---...

Maa mujhe dar lagta hai..bohot dar lagta hai...
suraj ki Roshni Aag si lagti hai..
Paani ki Boondain bhi Tejaab si lagti hain....
Maa Hawa main bhi zahar sa ghula lagta hai...
Maa mujhe chhupa le bohot dar lagta hai...........

Maa yaad hai wo kaanch ki Gudiya jo Bachpan main tuti thi...
Maa kuch aise hi aaj main toot gayi hu...
meri galti kuch bhi na thi maa fir bhi khud se ruth gai hu............
Maa bachpan main school teacher ki gandi Nazaro se dar lagta tha...
padsos k chacha k Napaak iraadon se dar lagta tha...
maa wo nukkat k ladko ki bekhouf baaton se dar lagta hai..
or ab Boss k wahshi isharon se dar lagta hai...

Maa mujhe chupa le..bohot dar lagta hai :,(....
Maa tujhe yaad hai tere angan main chidiya si fudak rahi thi..
thokar kha k main zameen par gir padi thi..
do boond khoon ki dekh k maa tu bhi ro padi thi...
maa tune toh mujhe phoolon ki tarah pala tha..
un darindo ka aakhir maine kya bigada tha...
kyu wo mujhe is tarah masal k chale gaye...
bedard meri rooh ko kuchal k chale gaye.....

Maa tu toh kahti thi apni gudiya ko dulhan banayegi...
mere is jeewan ko khushiyo se sajayehi....
maa kya wo din zindgi kabhi na layegi...
maa kya ab tere gher barat na aayegi??......
maa khoya hai jo maine kya fir se kabhi na paungi?? Maa saans toh le rahi hu..kya zindgi jee paungi??
Maa goorte hain sab alag hi nazaron se...

Maa mujhe un nazaron se chupa le....maa bohot dar lagta hai mujhe Aanchal main Chhupa le.
-----------------








........................................................................................................................................

Mera kasur kya tha. . .
Main ek ladki hu,
Kya ye mera kasur tha,
Apne mulk main bina dar ke raat ko safar kr rahi thi,
Kya ye mera kasur tha,
Kya dil main armaano ka hona gunah hai,
kya es desh main bekauf jeena gunah hai
Maine bhi kuch sapne sajaye they,
Apne ma baab ki ankho ka khawab thi mein,
Bas unke khwabo ko haqikat krne nikali thi main,
Socha desh ki rajdhani main jakar padhugi,
Kuch ban ke apne maa baap ka naam roshan kar dungi mein,
Par kuch der kya huyi usdin mjhe ghar lautne main,
Kuch darindo ne meri puri duniya loot li,
Main ghar se bahar nikli,
Kya ye mera kasur tha. . .

.................................................................................................................


Ab har sham ko bahar nikalne se darr lgta hai,
Ab har rail, har bus par chadne se darr lgta hai..
Samjh nhi aata insaan ke roop mein kaun vaishi darinda hai,
Aksar sochti hu kisme insaaniyat marr gyi aur kisme abhi zinda hai..
Damini, tujhe jitna salaam kru utna hi kam hai,
Tere alvida kehne se har aankh aaj nam hai..
‘MAA MAI JEENA CHAHTI HU’ wale tere shabado ne mujhe bahut rulaya hai,
Aaj se pehle khud ko itna lachar na paya hai..
Tere maa papa ke dukh ke aage hmara har lafz chota hai,
Tere bhaiyon ke mayoos chehra
ko sochkr ye dil jor jor se rota hai..
Ab kaun teri ammi ko tere jaise haskar dikhayega?
Ab kaun tere papa ko tere jaise ruthkar dikhayega?
Ab kaun tere bhaiyon ko tere jaise chidayega?
Ab kise pura desh ‘BAHADUR DAMINI’ kehkr bulayega?
Kyu chodkar chali gyi hme tu kyu ye bidaii hai?
Tujhe safed kapde mein lipta dekh har kisi ki ankh bhar aayi hai..
Teri himmat aur jazba hmari soch se bahut pre hai,
Par tere liye na kuch kar par ke khayal se hm sharam se zameen mein gade hai..
Shat shat pranam hai tere maa papa ko jisne aisi nari shakti ko janam diya,
Har koi bole ‘AGLE JANAM MOHE AISI HI BITIYA DIJO’ tune aisa vo karam kiya..
Damini hum sab mein hmesha zinda rahogi tum,
Insaaf mangti har zubaam mein sunayi dogi tum..
Lahnat hai hm par jo agr hmne teri kurbani ko bhula diya,
Aaj ek ‘BAHADUR DAMINI’ ke dukh NE iss nirdayi Parul ko bhi rula diya..
Teri iss ladai ko uske anjaam tak pahuncha denge hum,
Tere har gunehegaar ko sza mile, sarkar ko itna jhuka denge hum..
Har basti ke har vaishi ko mitane ka waqt aa gya,
Hawaniyat ka kohra chatt gya aur insaaniyat ko saamne lane ka waqt aa gya..


...................................................................................................................................

maa me abhi jeena chahati hu, tere sath waqt bitana chahati hu, mitti ka khilona nahi h ladkiya,
yahi baat m sabko samjhna chahati hu,
aksar kehte hai log har kisi par bhagwan ka hath hota hai,
fir kyo bhagwan k hath k niche ladkiyo ka ye anjaam hota hai,
jaa rahi hu aaj me tum sabko chodd kar,
phir na aaungi kabhi kisi ki beti bankar,
maa ka ek sapna tha,
ek din be…ti ke liye rajkumar aayega,
dolli me baitha kar usse le jayega,
khadi hokar sapne tutate dekhegi wo,
jab bhai mujhe kandhe par le jayega,
maa me tere sath rahna chahti hu,
maa me abhi aur jeena chahti hu,
khush hua karte the papa dekh kar mujhe aksar,
aab roynge mujhe yaad kar ke aksar,
unka u pyar se gale lagana,
mere baad koun unhe gale lagayeka aksar,
papa me apko akhri bar gale lagana chahti hu,
papa me abhi kuch din aur jeena chahti hu,
mera bhai jab bhi raat ko soyega,
chup chup ke mere liye royega,
bhai ek bahan jaa rahi haim,
magar hazaro bahano ka khayal rakhna,
ab soo rahi hu me apna aur sabka khayal rakhna :’(


...............................................................................................................................

Agle janam Mohe Bitiya na dena



Maa bohot Dard sah kar..
bohot dard de kar..
tujhse kuch kah kar main jaa rahi hun.
Aaj meri vidai main jab Sakhiyaan milne aayengi.
Safaid Jode main lipti dekh sisak sisak mar jayengi.
Ladki hone ka khud pe fr wo Afsos jatayengi.
Maa tu unse itna kah dena Darindo k duniya main Sambhal kar rahna.
Maa Rakhi par jb Bhaiya Kalai suni rah jayegi.
yaad mujhe kar kar jab unki Aankh bhar ayegi.
Tilak mathe par karne ko Maa rooh meri bhi Machal jayegi.
Maa tu bhaiya ko rone na dena.
Main sath hu har Pal unse kah dena.
Maa Papa bhi chhup chhup bohot royenge.
main kuch na kar paya yes kah k khud ko kosenge.
Maa dard unhe yes hone na dena.
Ilzaam koi lene na dena.
Wo Abhimaan hai mera samman hai mera.
tu unse itna kah dena.
Maa tere liye ab kya kahu.
dard ko tere shabdon main kaise bandhu.
fir se jeene ka moka kaise maangu.
Maa log tujhe satayenge.
mu jhe azaadi dene ka tujhpe ilzaam lagayenge.
Maa sab sah lena par yes na kahna.
“Agle janam Mohe Bitiya na dena”

..............................................................................................................